कच्छि दाबेली

साहित्य :
उकळलेले बटाटे ५०० ग्राम्स
कांदा २
भाजलेले चिंचेचा कोळ २ चमच
मीठ चवीनुसार
साखर चवीनुसार
दाबेली मसाला २ चमच
बटर 1 चमच
बारीक़ शेव
दाबेलिचे पाव ६

कृति :
बटाटे कुस्करून घ्यावेत ,आता तेल गरम करुन त्यात बटाटे,दाबेली मसाला व बटर घालून परतुन घ्यावे ,त्यात गरज पडल्यास थोड़े पानी घालून एकजीव करून घ्यावे व गैसवरुन उतरवावे .
त्यात शेंगदाने , मीठ ,साखर,चिंच,बारीक़ चिरलेला कांदा ,कोथिम्बिर घालून एकजीव करावे .आता दाबेलीच्या पावाचे दोन तुकडे करावे ,एका भागावर बटर लावून भाजी पसरावी व त्यावर शेव पसरा
दुसर्‍या भागावर टोमाटो सौस लावून पहिल्या भागावर दाबुन ठेवावा बाहेर आलेल्या भाजीवर शेव लावा ,अणि आता हे पाव बटर लावून परतुन घ्यावेत।

पालक भजी

साहित्य:
पालक (बारीक़ चिरलेला ) १ वाटी
कांदा (बारीक़ चिरलेला ) १
बेसन 2 वाटी
हिरवी मिर्ची २
मीठ
ओवा १ चामच
कृति:
पालक धुवून बारीक़ चिरून घ्या ,तयार बेसन ,बारीक़ चिरलेला कांदा,हिरवी मिर्ची,मीठ ,ओवा,मिक्स करा थोड़े पानी घालून भज्याचे पीठ भिजवा,त्यात आयत्या वेळी सोडा घाला .
आता कढईमधे तेल तापवून त्यात लहान लहान भजी सोडा व दोन्ही बाजुनी छान खरपूस तळुन घ्या ।
बाहेर मस्त पाऊस पडत असताना गरम गरम पालक भजी एन्जॉय करा .......................................

सिमला मिरचीची भाजी

साहित्य:
सिमला मिर्ची ५
दाण्याचा कूट ३ चमच
कांदा १
हलद
लाल तिखट
आमचूर पावडर 1tsp
कृति :
सिमला मिर्ची धुवून चिरून घ्या ।
कढईमधे तेल तापवून त्यात कांदा परता ,कांदा परतल्यावर त्यात ,मिर्ची घाला व एक वाफ येऊ दया ,वाफ आल्यावर त्यात ,हलद तिखट,आमचूर पावडर,व दाण्याचा कूट घाला चवीपुरते मीठ,घालून अजुन एक वाफ येऊ दया व गैस बंद करा . (वाटल्यास थोड़ा गरम मसाला वापरू शकतो)
सोपी ,लवकर होणारी व मस्त चव असणारी भाजी तयार ..................

भरली वांगी

भरली वांगी
साहित्य
वांगी ५ ते ६
दाण्याचा कुट १/२ वाटी
आले लसुन पेस्ट २ चमच
खसखस,मिरे,कलमी,वेलदोडे, नारळ(अंदाजे) पेस्ट २ चमच

धने जिरे पुड २ चमच

गरम मसाला पावडर १ चमच

आमचूर पावडर २ चमच

टमाटर १

कांदा १

कृति:

वांगी धुवून कोरडी करा व चिरून घ्या (उभा आणि एक आडवा छेद द्या)
कढईमधे तेल गरम करुन त्यात कांदा परतवून घ्या,आता त्यात आले लसुन पेस्ट ,खसखस मीरे कलमि,वेलदोडे पेस्ट घालावी , तेल सुटु लागल्यावर ,त्यात बरिक चिरलेला टमाटर ,लाल तिखट्,ह्ळद,आमचूर पावडर, गरम मसाला ,धने जीरे पुड ,मीठ ,गुळ घालुन टमाटर गळेस्तोवर शिजवावे ,बाजुला ठेवुन ठण्ड होउ द्या ,त्यात दाण्याचा कूट मिक्स करा , हा मसाला वांगयांमधे भरा व बाजूला ठेवा ।
आता कढईमधे तेल गरम करा, हिंग ,मोहरीची फोडनी घाला ,त्यात शिल्लक राहिलेला मसाला परता,तेल सुटु लागल्यावर त्यात वांगी घाला व चांगली वाफ येऊ दया एक वाफ आल्यावर त्यात थोड़े पानी घाला (रस्सा जसा पाहिजे तसे ) अणि परत दोन तीन वाफ येइपर्यंत शिजवा .

मोड आलेल्या मुगाची भेळ

साहित्य:
१ वाटी मोड आलेले मुग
२ वाटी कुरमुरे
१/२ वाटी बरिक शेव
१ कांदा
१ टमाटर
१ बटाटा (उकळ्लेला)
२ tsp हिरवी चटणी
२ tsp गोड चटणी
१ tsp चाट मसाला
मीठ चविनुसार
कॄति
एका बाउलमधे प्रथम बटाट्याच्या फोडी घ्या,आता त्यात मोड आलेले मुग (मुग थोडे वाफवुन घ्या) बारीक चिरलेला कांदा,टमाटर,हिरवी चटणी,गोड चटणी घालावी व व्यवथित मिक्स करा ,आता कुरमुरे घाला(ओली वाटल्यास अजुन कुरमुरे घालावेत) व परत मिक्स करा.
वरुन बरिक शेव व कोथिम्बिर घाला. सर्व करताना वरुन अजुन थोडी बरिक शेव व मोड आलेले मुग घालुन सर्व करा.