मिश्र डाळीचे वडे

साहित्य:
१ वाटी चना डाळ
पाव वाटी उड्द डाळ
पाव वाटी मुग डाळ
१/२ वाटी तुर डाळ
२ कांदे बारीक़ चिरलेले
1 छोटा चमच आले लसून पेस्ट
२ चमच हिरवी मिर्ची पेस्ट
१/२ चमच धने जीरे पूड
बारीक़ चिरलेली कोथिम्बिर
ओवा आवडीप्रमाणे
तिळ आवडीप्रमाणे
मीठ चवीनुसार
तेल तळण्यासाठी
कृति:
डाळी प्रथम पाण्यात ३ ते ४ तास भिजत घालाव्यात , भिजल्यावर पानी व्यवस्थित निथळुन घ्यावे.आता मिक्सर मधून खरमरीत बारीक़ करा,पानी शक्यतोवर वापरू नका ,व पीठ खरमरीतच हवे ज्यास्त बारीक़ नको .आता तयार मिश्रणात बारीक़ चिरलेला कांदा ,आले लसून पेस्ट ,मिरची पेस्ट , धने जीरे पूड ,ओवा , तिळ,मीठ ,बारीक़ चिरलेली कोथिम्बिर ( आवडत असल्यास बारीक़ केलेला कढीपत्ता घालू शकता ) घालून
व्यवस्थित मिक्स करा .
कढईमधे तेल तापत ठेवा,तेल गरम झाल्यावर तयार मिश्रनाचे गोळे करुन त्याला चापट करुन वड्याचा आकार दया व हे वडे गरम तेलात छान खरपुस तळुन घ्या ।
दुपारच्या चहाबरोबर हे गरम गरम वडे मस्तच वाटतात ..............